“OUI…“ (La dona canon)

Per gli amici del nostro caro dialetto, una mia zirudella tragicomica… Luciano Monti

“ OUI… “ ( La dona canon )

UNA VOLTA A SERA ANDE’…
S’UNA DONA CRED MU ME
CHE A CIAPELA TOTA IN BRAZ
U IE’ VLUD E MI CURAZ
LI LA BIONDA OSIGENEDA
LA IAVEVA IN TLA SANEDA
QUEL CHE ADES II CEMA I SENI
DO AD CAL ZOCHI GROSI E STRENI
QUELI CHE I LI SVUIDEVA
PO MAL BRAZI I LI LIGHEVA
CL’ERA PO I SALVAZENT
DI BURDEL E DI PIO’ GREND
QUANT CLA N’ERA ANCORA ARVATA
TOT CLA PLASTICA BEATA
CHE ORMAI LA IHA ARVINE’
ANCHE AL ROBI DA MAGNE’
E STE MOND CL’ERA NA BLEZA
U S’E’ ARDOT UN SACH D’MUNDEZA…
MA ARTURNEMA MA LA BIONDA
QUELA CHE AI SER D’INTONDA
E CHE OH PURETA ME’
AM SO ANDE’ PO A IMBARAZE’
LA PUREINA US CAPIVA
CL’ITALIEN LA NE ZCURIVA
MA LA GIVA SEMPRE “OUI”
SLA SU BOCA DRI’ LA MI’
AH CHE BLEZA ACH CIACAREDI
STAL DO ANIMI ABRAZEDI
E UM PER AD VEDA ADES
TOT CAL ROBI CL’E’ SUZES
E UM VIN ANCOR DA RID
QUANT CHE TOTI DO D’IMPID
TRAPASED DA LA PASION
A SEM CASCH ZO PERDABON
PER CHE BES CL’E’ STE L’ARVEINA
TRA CHI SPUNTACUL D’MAREINA
INVRUCID CUME’ UN SALEM
S’LIA MADOS CHE SACRAMENT
UN PO E PES E UN PO CHI SPEIN
A SO REST CUNZED PER BEIN…
DO – TRE DE TOT ZANZIGHED
PRIMA CHE ARTURNESS SANED
E CHE A FOSS D’ARNOV PADRON
E AN SENTESS PIO’ TE CUDRON
CAL GRAN FRIDI ASASEINI
CHE LIM DEVA TOT CAL SPEINI
PERCHE’ I SPEIN A SE SU PES
ANCHE E ROB LI M’EVA UFES
E UIE’ VLU’ GRAN CREMI E IMPACH
PER RINGALUZIL DA FAT
MAI, MAI PIO’ DAL DON CANON
AM FARO’ CIAPE’ PASION
PERCHE’ ANCORA ZO DA BAS
A DI E VERA UN M’E’ PAS
CHE TREMOR FINENTA I PI’
QUANT CHE ANCORA A SINT DI “OUI”…