E galòz

“ E galòz “
Un galòz a t’un panir
L’era un po cl’eva i pansir
Sche tvajul d’quadret sla cresta
Zemp lighedi ad che de ad festa
Ma cla fira ad Murzen
Ch’un pruves po gnenca un chen
sota e sol che bativ fort
l’er na masa cun foss mort
e vidiva sora ad lo
tot ch’iuciaz guardè d’inzò
ma cla testa schi barboi
ross cumè e sol ad loi
e cla cresta cla pandiva
de panir che e gal e tniva
ogni tent po qualchedun
de su zigri ui triva e fom
quei s’cla poza, chi tuschen
che i t’arbelta anche un cris-cen
lo purein e nost galoz
sa di gran, gran strangaloz
e tusiva se bech zal
cum chi fa cert papagal
quei che i zcor, tent per capis
e un s’capes mai quel che is dis
A un cert punt na sposa zopa
Lai to vì e tvaiul dla gropa
Trendli so per i zampet
A te goz al men lai met
“ A birbon d’un cuntaden
l’ha e goz tot pin ad gren,
u n’avrà cinch eti o piò
ai svi fè i’afari vò !!! “
E alora e cuntadein che guardeva ma cla sposa
A un cert punt tot incazed e da so a sla vosa:
“ S’ho capì bein la mi sgnora
E vria di che av fregh alora,
dendie e gren ma ste galet
l’ha crisù po ad cinch si ett !!!”
“ A se e zà e mi amigh …”
Tnend cla bes-cia per i pid
Mentre cl’elt l’ev cmenz a bol
l’ha ciap sobti e gal pre col
E tirend fort dla su perta
Fina a che la dona s’ arbelta
E s’che tira e mola ilè
E curdlein l’ha fat scapè
Lasend lebri e pori pol
Cl’è zomp via a s’un gran vol
e cuntent dla libertà
l’è sparì per la zità…
Un si sa po do ch’sia fnì
ma e cantev chicchirichì !!!
Am girì cl’è na sturiela
Se , sicur, ma sla murela …
Luciano Monti Dicembre 2014