La gara di caplét

Ricerca aziende, ristoranti, professioni e spiagge in Romagna

Sèimpre bèl e’ Nadèl,
ènca sla butèva mèl,
ènca quand per i purétt
u jéra sna i caplét.

Mo la géva la mi ma’,
us fà sa quèl ch’u s’à,
ringraziand e’ Signuréin,
i caplét jéra un straséin.

Us magnèva tla cušèina,
a sérmie una vintèina,
fra ba’, ma’, nòn, zi, cušèin,
un po’ strét, mo a stémie béin.

E tót quant a sérmie iscrèt,
ma la gara di caplét,
per fè chi un magnèva ad pjó,
ringraziand e’ bòn Gišó.

I piat ui impiniva e’ nòn,
sa vintidó caplèt pròn,
la nòna lai cuntèva,
e quii ad pjó lai cavèva.

A mastighémie a la granda,
e i caplèt a tóta randa,
tla bäca jandéva só,m
sè cucèr a dó per dó.

Mè a fèva t un lèmp,
e per bat ma tót se tèimp,
an stéva ilé a biasè,
ai mandèva zó isé.

Dògnitènt ma qualchedun,
ui ne capitéva un,
pin ad spòja e impivarèd,
un pcòun invlinèd.

Us ciamèva e’ caplèt mat,
un schèrz ch’l’éra fat,
per fè rid grand e burdèll
e stè aligri per Nadèl.

E’ sfurtunèd ch’ul pischéva,
série e zét e u se magnèva,
ch’jèlt d’spuntun te piat,
i ridèva cum i mat.

I pjó dèbul in gne la fèva,
e drèinta e’ piat il spudèva,
la nòna, lai gév alóra,
da la gàra tè t ci fóra!

U s’andèva òlta isé,
si piat pin e da svuitè,
a pgnata tóta svida,
us ciudèva la partida.

La nòna sè còunt ešat,
di caplét e d’ tótt i piat,
la pruclamèva e’ vinzitòr,
sa tótt ch’jèlt a fèj unòr.
Per prémie me campiòun,
una stèca ad turòun,
ch’as ciucèmie tót insèn,
dop ch’avèmie magnè bèin.

Us cantèva, us ridéva,
us guardèva ma la néva,
tót cuntèint de Nadèl,
tènimòdi sèimpre bèl.

La gara dei cappelletti

Sempre bello il Natale,
anche se buttava male,
anche quando per i poveri,
c’erano solo i cappelletti.

Ma diceva mia mamma,
si fa con quello che si ha,
ringraziando il Signore,
i cappelletti erano tanti.

Us magnèva tla cušèina,
eravamo una ventina,
fra babbo, mamma, nonni, zii, cugini,
un po’ stretti ma stavamo bene.

Tutti quanti eravamo iscritti,
alla gara dei cappelletti,
per fare a chi ne mangiava di più,
ringraziando il buon Gesù.

I piatti li riempiva il nonno,
con ventidue cappelletti per uno,
la nonna li contava,
e quelli in più li toglieva.

Masticavano alla grande,
i cappelletti a tutta randa,
nella bocca andavano su,
nel cucchiaio a due per due.

Io facevo in un lampo,
e per battere tutti sul tempo,
non stavo lì a masticare,
li mandavo giù così.

Ogni tanto a qualcuno,
ne capitava uno,
pieno di sfoglia e impepato,
un boccone avvelenato.

Si chiamava il cappelletto matto,
uno scherzo che era fatto,
per far ridere grandi e bambini,
e stare allegri per Natale.

Lo sfortunato che lo pescava,
serio e zitto se lo mangiava,
quegl’jaltri chini sul piatto,
ridevano come i matti

I più deboli non ce la facevano,
e dentro al piatto lo sputavano,
e la nonna gli diceva allora,
tu dalla gara sei fuori.

Si andava avanti così,
col piatto pieno da vuotare,
a pentola tutta vuota,
si chiudeva la partita.

La nonna col conto esatto,
dei cappelletti e di tutti i piatti,
proclamava il vincitore,
e tutti gli altri a rendergli onore.

Per premio al campione,
una stecca di torrone,
che ciucciavamo tutti assieme,
dopo che avevamo mangiato bene.

Si cantava, si rideva,
si guardava alla neve,
tutti contenti del Natale,
in ogni caso sempre bello.

 

Poesia appartenente alla rubrica

La cušèina rimnéša in dialèt e in poèšia, a cura di Ivano Aurelio Muratori, poeta dialettale riminese.

 

 

 

 

 

Potrebbero interessarti:

vino romagnolo
Dialetto e tradizioni

Poesia del vino sincero

Dedico questa mia zirudella a chi ama bere il buon vino sincero ” E vein sincér ” Una dmendga tre amigh i decid d’andè a magné, a tna bètla ad Murzèn du chi feva e castred, apén arvat in te

LEGGI TUTTO »
Sabèt nòv Agöst
Dialetto e tradizioni

Sabèt nòv Agöst

Sabèt nòv Agöst. (Sabato nove Agosto.) ————— I vèrb piò impurtèint per l’avuchèd iè:nèghè,cunvinz,cunfònd e paghè!. (I verbi più importanti per un avvocato sono:negare,convincere,confondere e pagare!.)… ————— I soci d’una bòna società ià da ès sgàf e no arvé ma

LEGGI TUTTO »
Mércul trèg Agöst
Dialetto e tradizioni

Sabèt sé Sétèmbre

Sabèt sé Sétèmbre. (Sabato sei Settembre.) ———- Utòbre l’è un més ambiziós,prima chèld e pu frèdulós!. (Ottobre è un mese ambizioso,prima caldo poi freddoloso!.)… ———— Se ‘tci unèst e Signór e farà e rèst!. (Se sei onesto il Signore farà

LEGGI TUTTO »
Vènèr nòv Znèr: E màgna cumè un cardlèin.
Dialetto e tradizioni

E pèr che l’àva svarnè sla pula

Dmènga zdòt Znèr (Domenica 18 Gennaio ) ——— E pèr che l’àva svarnè sla pula. (Sembra che l’abbiano alimentato con la pula.Si diceva a chi si presentava emaciato e malnutrito.) ———- U t’à lichè la vaca? (Ti ha leccato la

LEGGI TUTTO »
Torna in alto
Cucina-della-nonna