Dedico questa mia divertente poesia dialettale a tutti gli amanti del dialetto… Luciano Monti
” Sóta e lampion ”
Propia sóta m’un lampion,
poch distent da la stazion,
una dona com fóss gnint,
l’aspiteva i su cliint,
a si tach quéi èlt a spél
e s’un nastri a ti cavél,
la bativa i pì de fred,
quant cl’ariva un vicèt,
che u s’ferma a guardei
e pó ui dis dèndi de lei:
“ Oh cla m’scusa la mi sgnora,
a m’savrésvi pó di l’ora ?”
E la bionda un pò incazeda,
cl’éra ilé da un pez tla streda:
“ Di ció bel tòt via di qué,
che mè ho da lavurè !”
“ Lavurè, ma i qué a d’fóra…
che lavor che a fè alora ?”
“Via, via accidenti,
che aspetto i miei clienti …”
“ Ma, ma alóra vapulà,
vó avé u n’atività:
e cla-cla m’déga, la sia bona,
perchè mè a sò nov dla zona !”
“ Gi vó cl’om a che sulèta …
a v’ariv a sla bursèta,
at cla źóca svuida e plèda,
che mè av faz pó cambié streda !”
Ma l’umet cl’éra drì lì
e lutiva a insistì,
fina a che lì de lampion,
la n gn’ha vést propia pió lóm,
e se mandghi a dl’umbrel,
la iha fat vulè e capel
e puret vidénd isé,
u s’è andè sóbti a masè…
E la sera a te su lèt
senz durmì e pòr vicèt,
l’éra ancora drì a pansè
che lavor cla putés fè…
Luciano Monti
