Per gli affezionati del dialetto ecco una mia zirudella tragicomica… av salut Luciano
“E CAGNET”
UIERA UN VECC A SLA PALEDA
CHE L’AVEVA IN TLA FALDEDA
UN CAGNET SE PEL TOT RET
CHE UN STEVA MAI – MAI ZET
OGNI OMBRA CLA PASEVA
LO DIDRI’ U I’ABAIEVA
UN SMITIVA GNENCA UN SGOND
S’CHI TRE DINT TOT ROSGH D’INTOND
E SE UN QUESTA L’E’ BELA
U S’PRUVEVA A DEI VANELA
CUN L’AVES DABON MAI FAT
PERCHE’ LO E DVANTEVA MAT
E SCATEND CUME’ UN RIBESS
A S’CLA BOCA A T’UN SBRESS
UI FASIVA SENTI’ I DINT
TRA AL BIASTIMI E I PATIMINT
MA UN BEL DE ILE’ SE PORT
E PASEVA UN MEZ MORT
CHE PAREVA SCAPED FORA
DALA TOMBA PROPIA ALORA
E FERMENDSI DRI’ E CAGNET
U S’E’ SOBTI CAVE’ E BRET
E U GL’HA SLONGH DAVENTI E MUS
MENTRE E CHEN CL’AVEV I’OCC CIUS
D’IMPROVIS SANTEND DRI E NES
CHE BRITAZ CHE U’IEVA MES
COM PER FEI DI CUMPLIMINT
UI S’E’ ARVOLT SGRIGNEND I DINT
E A DE D’MORS SOBTI U S’E’ MESS
AD CHE BRET CUME’ UN USESS
FATOSTA’ CHE E SU PADRON
A ME CHEN U IHA DE UN TRON
MENTRE CL’ELT QUEL CL’EVA E BRET
A TLA MENA UL TNIVA STRET
L’E’ ANDE’ A FNI’ CHE T’CHE CASEIN
TIRA E MOLA TOT DO INSEIN
QUEL DE BRET L’E’ CASCH MATERA
E MA CL’ELT UN GNE’ PERS VERA
FINALMENT D’AVELA AD VINTA
ME SU CHEN DENDIE NA SPINTA
CHE S’UN SGAGNLI DA PAURA
L’EV SPUDE’ I TRE DINT AD FURA…
DA CLA VOLTA CHE CAGNET
QUANT CHE VDIVA PASE’ UN BRET
US MASEVA IN T’UN CANTON
SE PEL RET … DAL TREMASION !
Luciano Monti , 30 Agosto 2014
Dialetto e tradizioni
Perché siam Romagnoli… dal libro “Il gatto di Godzilla”
Perché siam Romagnoli… (dal libro “Il gatto di Godzilla” ISBN 9788867510597) Perché “malassandè, pataca” è meglio del prozac… Perché la piadina è un gran bagascia luvacciosa e fa l’amore con tutti, anche col kebab e lo speck… Perché sotto il
