Dedico questa mia poesia dialettale (zirudella), che racconta la fantastica storia della costruzione del nostro ponte Tiberio ovvero: “E pont de diévli”a tutte le amiche e gli amici che amano come me la nostra bella a cara Rimini… Luciano Monti
“ E PONT DE DIEVLI “
PER FE E PONT AD SANZULIEN
ME DIAVLAZ UL FREGA UN CHEN:
US RACONTA CHE NA VOLTA, QUANT CU IERA IQE’ I RUMEN
I VULEVA A TOT I COST, CUSTRUI’ UN PONT PER BEN
SORA E FIOM CHE TRAVERSEVA
E MEZ REMIN L’ALAGHEVA
DA TIBERIO IMPERADOR
PER SET AN AD GRAN LAVOR
MA STE PONT UN TNIVA BOTA
E TOT QUANT SU NA GRAN LOTA
IN SAVIVA ORMAI COM FESS
PERCHE’ LO PIO’ UN CASCHESS
FINA A CHE FORZA AD PANSE’
STE TIBERIO L’HA PRUVE’
A INVUCHE’ E DIEVLI IN PERSONA
PERCHE’ UI DESS DABON NA MENA
A FE SE CHE STESS IN PID
E ARMIDIEL CHE FOSS FINID
E CL’ARVESS SENZA MALAN
FINA ADES CL’HA DOMEL AN.
E DIAVLAZ CLA CARUGNAZA
CUME’ TOT QUEI DLA SU RAZA
U N’HA GNINT PO DA IMPARE’
E MA CL’OMM UI DIS ISE’:
“MEZ AMIGH STAM A SANTI’,
TE TAM PIS E AT VOI IUTI’,
E, E TU PONT SORA CHE FIOM
AL FNIRO’ PRIM CHE FAZ LOM !”
“PERDAVERA DIAVLI BOIA,
AM MURRIA DA LA GIOIA
SE A VIDESS CHE FINALMENT
STE PUNTAZ UM FESS CUNTENT…
E LA GLORIA AD ROMA E MIA
LA FASESS AN DEGH BUSIA
SOBTI SOBTI E ZIR DE MOND
TRA CAL ZENTI CU IE’ INTOND…
MA GI SO’ IN CAMBI AT CHE,
A FARESVI QUEST PER ME ?”
“STA A SANTI’ E MI IMPERADOR,
ME PER GNINT TE SE AN LAVOR
E SE T’VO CHE PONT E TENGA
ME A VOI CHE E PRIM CHE VENGA
A PASE’ SORA E PONT NOV
ANCHE SE PO E DUVES PIOV
LA SU ALMA PURTEM VIA,
ISE’ HO DET, E CHE ISE’ SIA !!! ”
FAT E PAT SA CLA BIS-CIAZA
TIBERION CLA GRAN FIGAZA
TOT LA NOTA L’HA PANSE’
COM ME DIEVLI PO FRIGHE’
E TE DE DL’INAUGURZION
PIN AD ZEINTA SI PAN BON
E DIAVLAZ NIR INFUNGHID
L’ASPITEVA ALEGRI IN PID
CL’A PRIM’ALMA DA TO SO’
CL’ANDESS DLA DU CL’ERA LO’
US SFRIGHEVA ZA AL MANAZI
MENTRE AD LA TOT CAL ZANTAZI
LIN S’MUVIVA E LIN SCRULEVA
E NISUN SE PONT PASEVA…
MA AD UN TRAT TRA CHI CRIS-CEN
US FA AVENTI UN D’CHI CHEN
MEZ RUGNOS, UN DA PAIER
CHE E VA AVENTI VOLENTIER
E ANCHE SE PARIV MEZ TONT
PIAN PIANIN TRAVERSA E PONT.
E POR DIEVLI ISE’ VIDEND
UIHA MAND MELL AZIDENT
E L’HA TACH A SALTEI SO’
MA CHE PONT PER BUTEL ZO’
BOTI, SPUD E IMPRECAZION
CONTRA E PONT AD SU INVENZION
MA PURTROP CAL PIETRI E I MERMI
AL PAREVA FOSS ZA ETERNI
E S’CHI CHELZ E I POGN DA MAT
AD DISTROZLI UN GN L’HA FAT
E SMUCLEND PIO’ CHE PUTIVA
A TL’INFERNI L’E’ VOLL VIA…
DA CLA VOLTA SA GUARDE’
QUANT SE PONT SORA A PASE’
A VIDRI’ DO GROSI IMPRONTI
DAL SU ZEMPI SORA AL SPONDI…
Luciano Monti A.D. 2015
P.S. Se an gnì cridì, andè po a veda si vost occ !!!
(Le due impronte si trovano sulla sponda bassa, lato monte, poco dopo l’inizio andando dalla città verso il borgo)
