A Gramadora
Conosciuta come “Bëla burdèla” (di C. Martuzzi – A. Spallicci)
Bëla burdèla fresca e campagnöla
da j’ òcc e da i cavell coma e’ carbon,
da la bocca piò rossa d’ na zarsola,
te t’ si la mi passion.
Batibat e screcc’m un òcc,
screcc’m un òcc e batibat.
A’l fasegna ste’ barat?
T’a m’ de un sciaf ch’a t’ dagh un bes!
Grama, grama muretta un pô sgarbêda
ch’ l’ è bèl a fê l’amor in aligrì.
Sora al manê dla canva spintacêda
me a t’ stagh sempar da drì.
Batibat e screcc’m un òcc,
screcc’m un òcc e batibat.
A’l fasegna ste’ barat?
T’a m’ de un sciaf ch’a t’ dagh un bes!
Lìgul filé int’ la ròcca dla nunéna,
gavétul d’azza bianch int e’ bulì
e linzul fresch ad tela casalena.
Muretta, a ch’ bèl durmì!
Batibat e screcc’m un òcc,
screcc’m un òcc e batibat.
A’l fasegna ste’ barat?
T’a m’ de un sciaf ch’a t’ dagh un bes!
Batibat e screcc’m un òcc,
screcc’m un òcc e batibat.
A’l fasegna ste’ barat?
T’a m’ de un sciaf ch’a t’ dagh un bes!
